Faisnéis eagraíochta
Na nithe a dhéanaimid
Ó Oifig an Choimisiún um Cheapacháin Seirbhíse Poiblí
Foilsithe
An t-eolas is déanaí
Ó Oifig an Choimisiún um Cheapacháin Seirbhíse Poiblí
Foilsithe
An t-eolas is déanaí
Is é an ról atá againn a chinntiú go mbeidh aon cheapacháin a dhéantar chuig poist a chistítear go poiblí cothrom, trédhearcach agus bunaithe ar fhiúntas.
Inár gCód Chleachtais, leagaimid amach na príomhphrionsabail agus na príomhchaighdeáin earcaíochta le haghaidh ceapachán a dhéanamh. Leagaimid amach iontu conas a fhéadfaidh iarrthóir a iarraidh go ndéanfaí athbhreithniú ar cheapachán agus achomharc a dhéanamh ina aghaidh má chreideann sé/sí go raibh sé míchothrom nó mícheart.
Tá ról maoirseachta againn freisin maidir lena chinntiú go gcloífidh na comhlachtaí poiblí atá faoinár sainchúram leis na caighdeáin sin.
Áirítear iad seo a leanas leis na príomhfhreagrachtaí atá orainn:
Chun teagmháil a dhéanamh linn faoi cheann ar bith de na saincheisteanna sin, féach ár leathanach teagmhála.
Is sinne an rialálaí le haghaidh ceapacháin chuig poist a chistítear go poiblí sa státseirbhís agus sa tseirbhís phoiblí, ar ceapacháin iad a dhéantar faoin Acht um Bainistíocht na Seirbhíse Poiblí (Earcaíocht agus Ceapacháin), 2004.
Sna cásanna sin, ní mór do chomhlacht poiblí a chinntiú gur cothrom, trédhearcach agus bunaithe ar fhiúntas atá a cheapacháin agus a chinntiú go gcloíonn siad lenár gCód Chleachtais.
Ciallaíonn sé gurb amhlaidh, i gcás go ndéantar ceapachán faoin Acht, nach mór próiseas roghnúcháin a bheith ann:
Is féidir leat a sheiceáil an bhfuil ceapachán faoi réir an Achta nó nach bhfuil ach reachtaíocht rialaithe an chomhlachta phoiblí a sheiceáil ag www.irishstatutebook.ie
Má shonraítear ann nach mór ceapacháin a dhéanamh faoin Acht nó go mbeidh na fostaithe ina státseirbhísigh, beidh siad faoi réir ár gCód Cleachtais agus ár maoirseachta.
Má bunaíodh an comhlacht poiblí faoin mbliain 2004, is féidir go sonrófar ann nach mór ceapacháin a dhéanamh ar aon dul le hAcht Choimisinéirí na Stát-Sheirbhíse, 1956. Tá na ceapacháin sin faoi réir ár gcód agus ár maoirseachta freisin.
Mar sin féin, mura sonraítear sa reachtaíocht nach mór ceapacháin a dhéanamh faoin Acht ná go mbeidh na fostaithe ina státseirbhísigh, ní thiocfaidh siad faoinár gcód ná faoinár maoirseacht.
I roinnt cásanna, is féidir go sonrófar sa reachtaíocht de chuid comhlachta phoiblí go mbíonn roinnt ceapachán faoi réir an Achta agus nach mbíonn ceapacháin eile faoina réir. Déan teagmháil linn mura bhfuil tú cinnte.