Cad is ceadúnas earcaíochta ann?
Is é is ceadúnas earcaíochta ann ná cead lena gcumasaítear duit, mar chomhlacht poiblí, d’earcaíocht sheachtrach féin a sheoladh.
Más rud é nach mór ceapachán a dhéanamh faoin Acht um Bainistíocht na Seirbhíse Poiblí (Earcaíocht agus Ceapacháin), 2004, ní mór do shealbhóir ceadúnais ceadaithe an próiseas roghnúcháin a sheoladh.
Féadfaidh tú iarratas a dhéanamh chugainn ar cheadúnas. Deonófar ceadúnas ar bhonn ginearálta i leith na bpost uile laistigh de d’eagraíocht nó ar bhonn sonrach i leith post amháin nó níos mó.
Ní mór duit a léiriú go bhfuil na nithe seo a leanas agat:
- Acmhainní chun earcaíocht atá cothrom agus bunaithe ar fhiúntas a chur i gcrích de réir an scála atá riachtanach
- Baill foirne a bhfuil eolas agus saineolas acu chun ceapacháin atá cothrom agus bunaithe ar fhiúntas a dhéanamh
- Dea-thuiscint ar na Cóid Chleachtais agus ar conas is féidir seasamh leo
Eisítear ceadúnais faoi réir téarmaí agus coinníollacha. Féadfar ceadúnas a fhoirceannadh mura gcloíonn tú leis na téarmaí agus coinníollacha sin.
Cé na cásanna ina dteastaíonn ceadúnas?
Is minic a sheolann an tSeirbhís um Cheapacháin Phoiblí próisis earcaíochta thar do cheann. I gcásanna den sórt sin, ní gá duit iarratas a dhéanamh ar cheadúnas. Ní theastaíonn ceadúnas uait ach amháin i gcás go bhfuil tú ag iarraidh do phróiseas earcaíochta seachtraí féin a sheoladh.
Próiseas achomhairc iarratais ar Cheadúnas earcaíochta?
I gcásanna ina ndiúltaíonn an AP sa CPSA iarratas agus ina lorgaíonn an t-iarratasóir athbhreithniú ar an gcinneadh, déanfaidh oifigeach níos sinsearaí sa CPSA athbhreithniú ar an gcás. Agus é sin á dhéanamh acu breathnóidh siad ar aon phointí a dhéanfaidh an Earcaitheoir i gcás ina measann siad gur cheart an ceadúnas a bheith deonaithe. Déanfaidh an t-oifigeach sinsearach iad seo a mheas agus déanfaidh sé cinneadh ansin agus cuirfidh sé an cinneadh in iúl don earcaitheoir i scríbhinn ag tabhairt cúiseanna leis an gcinneadh a rinneadh.
I gcásanna ina n-aontaíonn oifigeach níos sinsearaí gur cheart diúltú don iarratas ar cheadúnas, cuirfear tuairisc faoi seo chuig an gcéad chruinniú eile den Choimisiún.
Cé a shealbhaíonn ceadúnas earcaíochta?
- Údarás Uchtála na hÉireann
- An Garda Síochána
- An Phríomh-Oifig Staidrimh
- Oifig an Phríomh-Aturnae Stáit
- Tusla - An Ghníomhaireacht um Leanaí agus an Teaghlach
- An Roinn Talmhaíochta, Iascaigh agus Bia
- An Roinn Leanaí agus Gnóthaí Óige
- An Roinn Cultúir, Oidhreachta agus Gaeltachta
- An Roinn Oideachais agus Scileanna
- An Roinn Gnóthaí Fostaíochta agus Coimirce Sóisialaí
- An Roinn Airgeadais
- An Roinn Gnóthaí Eachtracha
- An Roinn Dlí agus Cirt agus Comhionannais
- An Roinn Caiteachais Phoiblí agus Athchóirithe
- An Roinn Forbartha Tuaithe agus Pobail
- An Roinn Tithíochta, Pleanála agus Rialtais Áitiúil
- Roinn an Taoisigh
- An tÚdarás um Fhaisnéis agus Cáilíocht Sláinte
- Feidhmeannacht na Seirbhíse Sláinte
- Coimisiún na hÉireann um Chearta an Duine
- Seirbhís Phríosúin na hÉireann
- An Coimisiún um Athchóiriú an Dlí
- An Bord um Chúnamh Dlíthiúil
- An Oifig Náisiúnta um Sheirbhísí Comhroinnte
- Bord Altranais agus Cnáimhseachais na hÉireann
- Oifig an Ard-Reachtaire Cuntas agus Ciste
- Oifig an Stiúrthóra Ionchúiseamh Poiblí
- Oifig Thithe an Oireachtais
- Oifig an Ombudsman
- Oifig na gCoimisinéirí Ioncaim
- Oifig an Ombudsman do Leanaí
- An tÚdarás Póilíneachta
- An tÚdarás Clárúcháin Maoine
- An tSeirbhís um Cheapacháin Phoiblí
- Coimisiún na Scrúduithe Stáit
- An Coimisiún um Achomhairc Chánach
- An tSeirbhís Chúirteanna
- An tSaotharlann Stáit
- An Oifig Luachála
Déan iarratas ar cheadúnas anois