Teagmhas Cibearshlándála: Do Cheisteanna

Nóta: Tá an leathanach seo á nuashonrú go leanúnach chun an t-eolas is déanaí a léiriú. Foilsíodh an leathanach seo den chéad uair an 17 Nollaig 2025, agus rinneadh é a nuashonrú an 19 Nollaig, an 22 Nollaig, an 6 Eanáir agus an 19 Eanáir.

C. Cad a tharla?

Ar an Déardaoin, 11 Nollaig 2025 rinneadh ionsaí cibearshlándála randamach ar chuid dár gcórais TF.

Mar réamhchúram, cuireadh roinnt córas as líne i dtús báire chun an bhagairt a choinneáil faoi smacht fad a bhí an teagmhas á fhiosrú. Mar sin féin tá gach córas ar ais ar líne anois.

C. Ar tógadh mo shonraí?

Bunaithe ar imscrúduithe fairsinge, lena n-áirítear imscrúduithe fóiréinseacha, agus ar an eolas ar fad atá ar fáil dúinn faoi láthair, táimid muiníneach nár tógadh aon sonraí pearsanta. Tá sé mar phríomhthosaíocht againn leanúint ar aghaidh ag cosaint sonraí pearsanta daoine.

C. Cad iad na bearta a glacadh chun mo chuid sonraí a chosaint?

Nuair a tháinig muid ar an eolas faoin teagmhas, ba é ár bpríomhthosaíocht sonraí na ndaoine a bhraitheann ar ár seirbhísí a chosaint agus seirbhísí a athbhunú go sábháilte.

Chuir an Lárionad Náisiúnta Cibearshlándála (LNCS) a phlean freagartha teagmhais i ngníomh agus chuir sé faireachán feabhsaithe i bhfeidhm chun tacú leis an CCSP.

Cuireadh an teagmhas in iúl freisin chuig an gCoimisinéir um Chosaint Sonraí agus chuig An Garda Síochána.

Táimid muiníneach anois nár tógadh aon sonraí pearsanta. Mar sin féin, ag céim luath, fuarthas urghaire ón Ard-Chúirt a chuir cosc ar aon fhoilsiú sonraí.

Chun treoir ghinearálta maidir le cosaint sonraí a fháil, féach ar shuíomh gréasáin an Choimisiúin um Chosaint Sonraí . Le haghaidh comhairle ghinearálta maidir le cibearshlándáil, féach ar shuíomh gréasáin an Lárionaid NáisiúntaCibearshlándála . Maidir le ceisteanna a bhaineann le cosaint sonraí an Ombudsman, féach ar ár bhFógra Príobháideachais .

C. An bhfuil rochtain ag na hionsaitheoirí ar an gcóras TF faoi láthair?

Ní hea. Nuair a aimsíodh an teagmhas daingníodh ár gcóras TF chun a chinntiú nach raibh rochtain ag na hionsaitheoirí a thuilleadh.

C. Cad iad na seirbhísí atá buailte?

Mar thoradh ar an ionsaí seo, níl an córas bainistíochta cásanna leictreonach a bhí á úsáid againn chun ár gcuid oibre a chur i gcrích ar fáil a thuilleadh. Tá próisis curtha i bhfeidhm againn chun cásanna a bhainistiú go slán agus táimid ag obair go dian chun gnáthsheirbhís a athbhunú ina hiomláine. Mar sin féin, tá moilleanna áirithe fós ann maidir le dul chun cinn cásanna. Tá ár bhfoireann fós ar fáil chun comhairle a sholáthar agus chun ceisteanna ó chustaiméirí a fhreagairt.

Rinne mé gearán leis an CCSP, cad is gá dom a dhéanamh?

Tá moilleanna áirithe ann maidir le gearáin a phróiseáil, ach iarraimid ort foighne a bheith agat linn. Ní gá duit do ghearán a chur isteach arís ná teagmháil a dhéanamh linn ag an gcéim seo.

C. Rinne mé tuairisc chuig an CCSP faoin Acht um Nochtadh Cosanta — cad is gá dom a dhéanamh?

Má rinne tú tuairisc chuig an CCSP mar dhuine forordaithe faoin Acht um Nochtadh Cosanta, gheobhaidh tú admháil ar do thuairisc laistigh de sheacht lá. Mar sin féin, d’fhéadfadh moilleanna a bheith ann maidir le gníomhaíochtaí leantacha ar do thuairisc, agus iarraimid ort foighne a bheith agat linn. Níl gá teagmháil a dhéanamh linn ag an gcéim seo.