Cad a dhéanann muid

Is é ár misean sláine earcaíocht, roghnú agus ceapachán daoine chuig poist atá maoinithe go poiblí a  chosaint, agus trí chaighdeáin a fheabhsú go leanúnach, muinín fhorleathan a spreagadh i gcumas na ndaoine a cheaptar chun seirbhísí poiblí a sheachadadh.

Tá an Coimisiún um Cheapacháin Seirbhíse Poiblí freagrach as na próisis earcaíochta agus ceapacháin sna heagraíochtaí seo a leanas a rialáil:

• An Státseirbhís (formhór na bpost)
• Feidhmeannacht na Seirbhíse Sláinte
• An Garda Síochána (go leibhéal Cigire)
• An tÚdarás um Fhaisnéis agus Cáilíocht Sláinte

Bíonn ceapacháin i bpoist ghairmiúla agus sinsir sna húdaráis áitiúla agus i gCoistí Gairmoideachais faoi shainchúram an Choimisiúin chomh maith.

Bunaíodh an Coimisiún faoin Acht um Bhainistíocht na Seirbhíse Poiblí (Earcaíocht agus Ceapacháin) 2004 agus tá ceangal dlí air a chinntiú go ndéantar earcaíocht agus ceapachán ar bhealach cothrom, oscailte bunaithe ar fhiúntas.

Is iad seo a leanas príomhfhreagrachtaí an Choimisiúin:

• Caighdeáin earcaíocht  agus roghnaithe a leagan síos agus na caighdeáin sin a fhoilsiú mar Chóid Chleachtais
• Na caighdeáin seo a chosaint le próisis faireacháin agus  iniúchóireachta
• Nósanna imeachta a fhoilsiú le haghaidh daoine le gearán a dhéanamh faoin bpróiseas ceapacháin
• Scrúdú a dhéanamh ar ghearáin a dhéanann líomhain go bhfuil sárú déanta ar na  Cóid Chleachtais
• Ceadúnais a dheonadh ar chomhlachtaí poiblí le hearcaíocht a dhéanamh
• Riar a choinneáil ar mhargadh na hearcaíochta don tseirbhís phoiblí